Kriteria vir 'n opleidingsprogram vir die opleier/voorllgter van voedselverbruikers in private huishoudings

Abstract

Hierdie studie is onderneem om die probleme rakende die aankooppraktyk van voedselverbruikers in private huishoudings te ondersoek, want dit is duidelik dat duur voedselpryse een van die hoofoorsake vir die afname in lewenskwaliteit van die gesin is. Die navorser se betrokkenheid by Huishoudkundeopleiding en spesifiek die verbruikerswese, asook by naskoolse opleiding, het tot die hipotese gelei dat opleiding tot verantwoordelike aankooppraktyk in 'n besondere mate In oplossing vir die aankoopprobleem vir private huishoudings kon bied. Sodanige opleidingsbehoeftes, hoewel reeds geïdentifiseer, het nog nie daadwerklik aandag geniet nie. As 'n vertrekpunt is 'n literatuurstudie onderneem om agtergrondkennis oor die aankooppraktyk in die algemeen te bekom. Hierdie inligting is benut om die aankooppraktyk vir private huishoudings in perspektief te plaas en om 'n profiel van die aankoper te bepaal. Dit is nodig om die terrein verder af te baken om sodoende die geldigheid en toepaslikheid van bevindinge te verseker.